... تساؤل !

.
.
.

متى ستشرق شمس النسيان في عالمٍ ، 

لم يحفظ من مرور العابرين ،

سوى قرع خطواتك ، تعزف ك موسيقى مأتم !

10 أشياء .. لأجل مزاجي -.-

.
.
.

مساء الاربعاء الجميل ♥

لفت انتباهي تدوينات عن الاشياء (المخربه للمزاج)

اتفقت مع بعضها .... فكرت ان اكتب هنا اشيائي العشره ^^

10 اشياء يجب ان نتجنبها لكي ﻻ نتفقد مزاجنا :

- الاخبار

مشاهده نشرة الاخبار انتحار بطيء .. مع اني مفتونه بالسياسه الا انها تكدر مزاجي جدا

غير انه توجع الراس والقلب . والوقت اللي يضيع ، والكابه المصاحبه .. تصريح ومقابله ولقاء ونقاش

كل واحد يهجم على الثاني  والثاني هجوم مضاد ويكذبه ووو ترا ترا ..... تحس انك قاعد ويطقطقون عليك -.-

- الناس

 الناس داء وداء الناس قربتهم .. وفي اعتزالهم قطع المودات    (الشافعي)

 الانقطاع الطويل مع الموده اهون من الاجتماع الكثير مع (القلق)   .. 

باستثناء ساعه مع أمك .. الاجتماع الكثير بالناس مزعج .. 

غالبا هم اعاده للاخبار اللي توجع راسك او يمطرونك باحوالهم واحداثهم

 الي (ماتدري)  شلون تتفاعل معها .. و اما (التشكّي) اللي ماله سنع عند البنات خصوصا :$ ..

احلى الاوقات تجلس مع نفسك + كتاب او كوب قهوه او لحظات تفكير (روقان)

- الاطفال

:تنهيده كبيره: حلوين وهم رايقين ويسولفون

اما حالات النشاط الزائد ، الدلع والصياح و المناقز و ال اي شي :فيس ممتعض: ماقدر اتحملهم :(

دائما اصير الشخص المرعب بالموقف :قلب مكسور:

احتاج تطوير بالتعامل بحنان ﻻني المفروض ام مستقبلا :$

- المؤسسات الحكوميه

بطاقه احوال ... وزاره .. جواز .. ماعرف ليه ختمة الورقه

 تحدّك ل الاسترضاء و حب الخشوم عشان تخلص بيومين :( .. ولا بتنتظر ط و ي ل ا

- المساعده

على قد ما أنا أحب و أستمتع باني اساعد اي شخص ، انزعج جدا من فكره طلب المساعده ,

 اذا حسيت اني احتاج مساعده معناتها الامور خارج نطاق السيطره .. 

الفكره بحد ذاتها مزعجه : /

- التعقيد

الامور سهله .. واذا صعبه استسهلها تسهل ، ﻻتصتصعبها تستحيل xp

أعاني جدا من الاشخاص اللي يستصعبون كل شي :( وكل شي يحتاج مرسوم ملكي

- الجوع

اذا كنت جوعانه .. مهم جدا اني أكل قبل اي اي اي شي .

الجوع يسبب لي الحر العصبيه تشتيت وحماقه وتناحه .. 

- المجاملات

طريقة تعامل مزعجه جدا ، واذا اضطريت له اتنرفز من نفسي واجد ؛s

- الكلام

امي تقول انك من يومك ماسمع صوتك ، باستثناء ثاني ثانوي الفتره اللي ماكنت اسكت به ابدن :/

غالبا اكره الكلام .. غير جيده بالتعبير عموما :$

الصمت متعه  .. الحكي غالبا يجرك ل مجامله وﻻ خطأ

- النقاشات العقيمه

اول كنت اتحمس للنقاشات واتحمس اثبت رايي واجيب حجج وينقطع نفسي بالحكي ..

اكتشفت اني اطلع متنرفزه تعبانه و ناقمه على الطرف الثاني 3">

صرت اعرض فكره ودليل وﻻ اطول النقاش ، اذا ثبت انه غلط .. ارجع ابحث

واحاول انهي السالفه بسماجه او نكته D;

المزاجات تختلف .. و اشيائها العشرة تختلف ♥

أشيائكم ؟

من مثلك ..!

.

.
.

من مثلك يزهرُ في قلبي .. يزرعُ في كفي الغيمات ؟ *


بعض الحروف
تحكيك
و تحيكُ خيالك
ف اتخيلِك و أحاكيك ♥